Subah ki roshni haveli ke aangan mein chamak rahi thi. Shaadi ke agle din sab ka nazariya badal chuka tha. Jiva, ab iss haveli ki nayi malkin, apne room se nikli toh sabke chehre par respect tha. Uske saas ne ek heavy pink colour ki silk saree uske liye bheji thi—zari ke kaam wali, moti aur sitaron se kadhai ki gayi. Jiva ne woh saree pehni, kamar par golden kamarband, gale mein rani haar, aur mathhe par ek badi bindi. Sindoor uske maang mein gehra laal tha, aur aankhon mein nayi dulhan ki sharmahat ke saath pregnancy ka glow.