Finland ki raat us din sirf thandi nahi thi… bilkul safed thi. Aasmaan se girti barf jaise khamoshi ki chadar ban kar zameen par bich rahi thi. Streetlights ke neeche udti hui barf ke tukde aise lag rahe the jaise waqt dheere chalne laga ho. Aur us safedi ke beech, ek aurat apni poori zindagi ka sabse bada faisla lekar chal rahi thi — Chahat.
Wo chal nahi rahi thi, khud ko chalne par majboor kar rahi thi. Har kadam bojhila tha. Saatve mahine ka aakhiri waqt, pet bhaari, jism already thaka hua… par dil mein jo bojh tha, wo sabse zyada tha. Aryan aur Vihan ke beech roz ka jhagda, roz ki tanao bhari awaazein… usne use andar se tod diya tha. Isi liye usne ek sach chupaya tha — wo sirf maa banne wali nahi thi… wo judwa betiyon ki maa banne wali thi.
"Your support empowers us to continue our work and make a real impact. Every contribution helps us provide resources and opportunities to those in need."🫶
Write a comment ...